ஆப்கனில் கிராமம் ஒன்றில் ராக்கெட் வீசி தாக்கியதில், பெண்கள், குழந்தைகள் உட்பட அப்பாவிகள் 45 பேர் பலியாயினர்.  

தாக்குதலுக்கு யார் காரணம் என்பதை கண்டறிய விசாரணை நடைபெற்று வருகிறது.

தாக்குதல் குறித்து ஹேமந்த் மாகாணம் சாங்கின் மாவட்டத்தைச் சேர்ந்த அதிகாரி ஒருவர் கூறுகையில், ""ராக்கெட் வீசி தாக்குதல் நடத்தப்பட்டது. அந்த ராக்கெட், அப்பாவிகள் அடைக்கலமாக தங்கியிருந்த வீட்டின் மீது தாக்கியது.

இதில், 45 பேர் பலியாகி விட்டனர். நேட்டோ படைகள்தான் இந்தத் தாக்குதலை நடத்தினவா என்பது அறிக்கை கிடைத்த பின்னரே தெரிய வரும்இ'' என்றார்.

அதேநேரத்தில், ஹெலிகாப்டர் மூலம் நடத்தப்பட்ட தாக்குதலில்தான் இத்தனை பேர் பலியானதாக மற்றொரு தரப்பில் தெரிவிக்கப்பட்டுள்ளது.