மட்டக்களப்பு – அம்பாறை மாவட்டங்களில் அரசாங்கம் மேற்கொண்டுவரும் திட்டமிட்ட சிங்கள குடியேற்றங்களை உடனடியாக நிறுத்தவேண்டும் என தமிழ் தேசிய கூட்டமைப்பின் முன்னாள் மட்டக்களப்பு மாவட்ட பாராளுமன்ற உறுப்பினரும் அக்கட்சியின் பட்டிருப்பு தொகுதி பாராளுமன்ற உறுப்பினருமான அரியநேத்திரன் முரசுக்கு தெரிவித்தார்.

எல்லைப்புறங்களில் மேற்கொள்ளப்பட்டுவரும் குடியேற்றங்கள் தொடர்பில் முரசுக்கு கருத்து தெரிவிக்கும்போதே அவர் இவ்வாறு தெரிவித்தார்.

தினமும் ஏராளமான புத்தர் சிலை மட்டக்களப்பு நகருக்கு வந்து எல்லைக்கிராமங்களுக்கு அனுப்பிவைக்கப்படுவதாகவும் இது தொடர்பில் பலமுறை அரசிடம் எடுத்துக்கூறியபோதும் எவ்வித நடவடிக்கையும் எடுக்கப்படவில்லையெனவும்அவர் தெரிவித்தார்.

எதிர்காலத்தில் இந்த நடவடிக்கைகள் நிறுத்தப்படவில்லையெனின் மக்களை திரட்டி வீதியில் இறங்கிபோராடப்போவதாகவும் அவர் மேலும் தெரிவித்தார்.