இலங்கையின் வட பகுதியை  சேர்ந்த முஸ்லிம் பெண்மணியான ஜான்சிலா மஜீத் என்பவருக்கு  அமெரிக்க இராஜங்கச் செயலாளர் ஹிலரி  கிளின்டன் நேற்று விருது வழங்கி கௌரவித்துள்ளார்.

வொஷிங்டனிலுள்ள அமெரிக்க இராஜாங்கத் திணைக்களத்தில் இடம்பெற்ற. இந்த விருது வழங்கும் நிகழ்வில் அமெரிக்க முதற் பெண்மணி மிச்சேல் ஒபாமா கலந்துகொண்டு உரையாற்றினார்.

வடக்கு மற்றும் கிழக்குப் பகுதிகளில் 20 வருடகாலமாக இடம்பெயர்ந்த மக்கள் மத்தியில் பணியாற்றியமைக்காக ஜான்சிலா மஜீத்துக்கு சர்வதேச பெண்களுக்கான உயர் விருது கிடைத்துள்ளது.

சர்வதேச பெண்களுக்கான உயர் விருது வழங்கும் 10 பேரைக் கொண்ட பட்டியலில் ஜான்சிலா மஜீத் என்பவரின் பெயரும் உள்ளடக்கப்பட்டிருந்தமை குறிப்பிடத்தக்கது.