இலங்கையில் பிப்ரவரி 25 வாக்கிலான நிலவரப்படி, அங்கே வவுனியா, மன்னார் மற்றும் யாழ்ப்பாண மாவட்டங்களில் உள்ள போரினால் இடம் பெயர்ந்தோருக்கான முகாம்களில் இன்னும் சுமார் 99,000 இடம் பெயர்ந்த மக்கள் இருக்கிறார்கள் என்று ஐ.நா மன்ற மனித நேய விவகாரங்களுக்கான ஒருங்கிணைப்பு அலுவலக அறிக்கை ஒன்று கூறுகிறது.

சமீபத்தில் இந்திய வெளியுறவுத்துறை செயலர் நிருபமா ராவ் இலங்கை வந்திருந்த போது, இலங்கை அரசு சார்பில் வெளியிடப்பட்ட அறிக்கை ஒன்றில், இலங்கையில் தற்போது 70,000 பேர் மட்டுமே போரினால் இடம்பெயர்ந்தோருக்கான முகாம்களில் இருப்பதாக குறிப்பிடப்பட்டிருந்தது.