இலங்கை அரசாங்கத்துடன்  பேச்சுவார்த்தைகளை மேற்கொள்வதற்காக பிரிட்டிஷ் வெளிவவகார அமைச்சின் நிரந்தர பிரதிச்செயலாளர் ஸர்.பீட்டர் ரிக்கட்ஸ் இலங்கை வந்து சேர்ந்தார்.

கொழும்பு பண்டாரநாயக்கா சர்வதேச விமான நிலைய அதிகாரிகரிகள் அவரது வருகையை  உறுதிப்படுத்தினர்.

இரண்டு நாள் விஜயத்தை மேற்கொண்டு இலங்கை வந்துள்ள பிரிட்டிஷ் பிரதிநிதி இன்று புதன்கிழமை வெளிவிவகார அமைச்சர் ரோகித்த போகொல்லாகமவுடன் பேஎச்சுவார்த்தைகளை மேற்கொள்ளவுள்ளார்.

இவர்களது பேச்சுவார்த்தை குறித்து வெளிநாட்டமைச்சின் உயர் அதிகாரியொருவருடன் தொடர்பு கொன்டு விசாரித்தபோது அவ்வதிகாரி கருத்துக்கூற மறுத்துவிட்டார்.

அண்மையில் லண்டனில் இடம்பெற்ற உலகத்தமிழ் பேரவை மாநாட்டில் பிரிட்டிஷ் வெளிவிவகார செயலாளர் டேவிட் மிலிபான்ட் கலந்துகொண்டிருந்தார். இந்நிகழ்வு  இருதரப்பு அரசாங்கங்களுக்கும் இடையில் முறுகல் நிலையை ஏற்படுத்தியிருந்தது.

இப்பேச்சுவார்த்தையில் மிலிபன்ட் விவகாரம் முக்கியத்துவம் பெறும் என எதிர்பார்க்கப்படுகிறது.