இந்தியா 12 தங்கம், 3 வெள்ளி, 6 வெண்கலப் பதக்கங்களுடன் மொத்தம் 21 பதக்கங்களுடன் 1 ஆம் இடத்திலும் பாகிஸ்தான் 6 தங்கம், 9 வெள்ளி, 4 வெண்கலம் உட்பட மொத்தம் 19 பதக்கங்களுடன் 2 ஆம் இடத்திலும் இருக்கின்றன.


இதேவேளை, 4 ஆம் நாள் இரவு நடைபெற்ற பளுதூக்கல் போட்டியில், இலங்கைக்கு 4 வெள்ளிப்பதக்கங்களும் 1 வெண்கலப்பதக்கமும் கிடைத்தது குறிப்பிடத்தக்கது.


நேற்று செவ்வாய்க்கிழமை காலை நடைபெற்ற ஆண்களுக்கான 170 கிலோ மீற்றர் சைக்கிள் ஓட்டப்போட்டியில் இலங்கை அணிக்கு தங்கப்பதக்கமும், இந்திய அணிக்கு வெள்ளிப்பதக்கமும், பாகிஸ்தான் அணிக்கு வெண்கலப்பதக்கமும், கிடைத்தன.


நேற்று ஆண்கள் அணிகளிடையே நடைபெற்ற கபடிப்போட்டியில் இலங்கை அணி நேபாளம் அணியிடம் தோல்வி அடைந்தது. இதேபோல், இலங்கை, பாகிஸ்தான், அணிகளிடையே நேற்று நடைபெற்ற கான்போள் போட்டியில் பாகிஸ்தான் அணி 59க்கு 16 புள்ளிகள் வித்தியாசத்தினால் வெற்றி பெற்றது.


இலங்கை நேபாளம் அணிகளிடையே நடைபெற்ற ஹொக்கிப் போட்டியில் இலங்கை அணி 151 கோல்கள் வித்தியாசத்தினால் மிக இலகுவாக வெற்றிபெற்றது. இதேபோல் இலங்கைபங்களாதேஷ் கிரிக்கெட் அணிகளிடையே நடைபெற்ற 2020 கிரிக்கெட் போட்டியில் இலங்கை அணி வெற்றிபெற்றது. இப்போட்டியில் முதலில் துடுப்பெடுத்தாடிய இலங்கை அணி 20 ஓவர்களில் 6 விக்கெட்டுகள் இழப்புக்கு 164 ஓட்டங்களைப் பெற்றது. பதிலுக்குத் துடுப்பெடுத்தாடிய பங்களாதேஷ் அணி 19.4 ஓவர்களில் அனைத்து விக்கெட்டுகளையும் இழந்து 147 ஓட்டங்களை மட்டுமே பெற்றது.