தமிழக பாரதீய ஜனதா முன்னாள் தலைவரும், தேசிய செயற்குழு உறுப்பினருமான இல.கணேசன் நேற்று திருச்செந்தூர் சுப்பிரமணிய சுவாமி கோவிலில் சாமி தரிசனம் செய்தார்.

பின்னர் அவர் செய்தியாளர்களை சந்தித்தார்.

அப்போது அவர்,  ’’மேற்கு வங்காளத்தில், ரெயில் விபத்து, ஜம்முகாஷ்மீரில் தீவிரவாதம், மாவோயிஸ்டுகள் அட்டகாசம் நடைபெறுகிறது.

இலங்கையில் போர் முடிவுற்ற பின்னர் அங்கு வாழும் தமிழ் மக்களுக்கு அதிபர் ராஜபக்சே உரிமைகளை வழங்கவில்லை. அவர் வெற்றி இனவெறியாக மாறி உள்ளது’’என்று தெரிவித்தார்.

அவர் மேலும்,  ‘’தமிழகத்தில் வருகிற 2011-ம் ஆண்டு சட்டசபை தேர்தலில் பாரதீய ஜனதா தனித்து போட்டியிடும். அதற்கான தேர்தல் பணிகளில் ஈடுபடுவோம்’’என்று தெரிவித்தார்.