கடந்த ஆறு மாதங்களுக்கு முன்னர் இந்திய அதிகாரிகளால் கைது செய்யப்பட்ட 12 இலங்கை மீனவர்கள் இன்று விடுதலை செய்யப்பட்டுள்ளதாக மீன்பிடித் துறை அமைச்சர் ராஜித சேனாரட்ன தெரிவித்தார்.

இவர்களை விடுதலை செய்வது தொடர்பிலான அறிக்கை இற்று தமிழ் நாட்டு அதிகாரிகளால் வழங்கப்பட்டதாகவும், இன்னும் 62 மீனவர்களே விடுதலை செய்யப்பட வேண்டியுள்ளதாகவும் அமைச்சர் ராஜித சேனாரட்ன தெரிவித்தார்.

அதேவேளை சீசெல்ஸ் கடல் அருகில் கைது செய்யப்பட்ட நான்கு இலங்கை மீனவர்கள் தொடர்பாக கேட்ட போது, இவர்களுடைய விடுதலை தொடர்பில் தென்னாபிரிக்க தூதுவரின் உதவியை பெற உள்ளதாகவும் குறிப்பிட்டார்.

இந்த மீனவர்கள் சில மாதங்களிற்கு முன் காணாமல் போயினர். பின்னர் இவர்கள் ஆபிரிக்காவின் கிழக்கில் உள்ள சீசெல்ஸ் தீவுக் கூட்டத்தின் கடல் பகுதியில் கண்டுபிடிக்கப்பட்டனர்.