தமிழகத்தில் அண்மையில் மரணமடைந்த மூத்த மார்க்சிஸ்ட் கம்யூனிஸ்ட் கட்சி தலைவர் உ.ரா.வரதராசன் கொலை செய்யப்படவில்லை. அவர் நீரில் மூழ்கியே தற்கொலை செய்து கொண்டார் என்று பிரேதப் பரிசோதனை அறிக்கையில் தெரிவிக்கப்பட்டுள்ளதாக சென்னை மாநகர காவல்துறை ஆணையர் ராஜேந்திரன் கூறியிருக்கிறார்.

திங்கள் இரவு வெளியிடப்பட்ட செய்திக் குறிப்பொன்றில், வரதராசனின் உள்ளுறுப்புக்களில் நச்சுத்தன்மையுள்ள பொருள் எதுவும் கண்டுபிடிக்கப்படவில்லை என்று தெரிவிக்கப்பட்டிருக்கிறது.